Die Galileo se fliekbetowering keer terug na die stad en die sterrehemels van die Kaapse Wynlande vanaf 15 Oktober 2025 tot 16 Mei 2026.
Hierdie somer bring opwindende nuwe konsepte, insluitend regstreekse sportvertonings, hondvriendelike vertonings, tema-aande, eksklusiewe Royale-ervarings, en asemrowende nuwe standplase — saam met al die gunstelinge wat die Galileo ervaring so besonders maak.
Wat om hierdie seisoen te verwag:
Die Galileo neem jou weer na die allerpragtigste plekke regoor die Kaap. Weeksdae se vertonings vind plaas in die skilderagtige Kirstenbosch Tuin, terwyl Central Park in Century City en Battery Park by die V&A Waterfront op geselekteerde Vrydae opgehelder sal word. Saterdae is vir verkenning van die Kaapse Wynlande; insluitend Stellenbosch, Paarl, Franschhoek, Wellington, Somerset-Wes en meer. Besoek asemrowende wynlandgoedere soos Lourensford, Blaauwklippen, Nederburg, Leopard’s Leap en Allée Bleue, om net ‘n paar te noem.
Gaste kan uitsien na klassieke en kontemporêre flieks wat geliefde herinneringe terugbring – of nuwe herinneringe skep. Van klassieke, hartroerende gesinsflieks, tot romantiese komedies, musiekblyspele, Bollywood, ikoniese kultusflieks, spanningsvolle rillers en goue oues — die Galileo Opelugbioskoop bied die perfekte omgewing vir ‘n betowerende aand saam met vriende, romantiese afspraak-aande, verjaarsdagvieringe, gesinsbyeenkomste of selfs jaareindfunksies.
Tema-aande soos Halloween, Kersfees, Valentynsdag en Paasfees bring ekstra betowering met dekor, aktiwiteite, vermaak, en prettige speletjies en kompetisies. ’n Heerlike dag vir die hele gesin — die spesiale vertonings is nie te versmaai nie.
’n Splinternuwe konsep vir Galileo is die LIVE-ervaring, waar jy die Bokke kan ondersteun en saamkyk wanneer die Springbokke in hul komende toetswedstryde speel. Geniet grasperkspeletjies, braaikos, geskenke en die beste buitelug-rugbyatmosfeer. Kyk SA teen Ierland op 22 November 2025. Kom vroeg en bring die gesin!
Verhef jou aand met die intieme en eksklusiewe Galileo Royale-ervaring — geen piekniek pak nodig nie. Jou kaartjie sluit ’n verwelkomingsdrankie, ’n luukse happie en ’n gourmet-hoofgereg in, sorgvuldig saamgestel vir ‘n uitsonderlike fliekbederf.
’n Inklusiewe ervaring:
As ’n gesinsvriendelike uitstappie, is Galileo trots daarop om waarde vir geld te bied. Van verjaarsdag spesiale aanbiedinge, tot afslag vir pensioenarisse en studente, plus VIP-kaartjie-opsies wat ’n lekker sakkie Chuckles® ‘malted puffs’ melksjokolade en ander opgraderings insluit — Galileo is ontwerp om elke soort fliekliefhebber te laat glimlag.
Pak jou eie piekniek, of geniet heerlike kos van betroubare verkopers wat alles bied van burgers en pizza tot ‘wraps’, nachos en soet lekkernye — met vegetariese, veganistiese en Halaal-opsies ook beskikbaar.
“Onvergeetlike herinneringe word gemaak wanneer ons in die oomblik leef en afleidings opsy sit. By Galileo is die enigste rede om jou foon uit te haal om die betowering onder die sterre vas te vang,” sê Matthew Schulz, Besturende Direkteur.
Kaartjies is aanlyn beskikbaar by Webtickets.co.za, vanaf net R155 per persoon. Weeksdae begin om 18h00, en Saterdae om 17h00, met die fliek wat begin ná sononder.
Om die volledige fliekskedule te verken en jou plek onder die sterrehemel te bespreek, besoek www.thegalileo.co.za/movies
Teks: Redaksionele Span | Foto: Verskaf
